Filazantsara: Fahasamihafan'ny versiona

Ny '''Filazantsara''' na '''Evanjely''' dia fitambaran'ny boky efatra ([[Filazantsara araka an'i Matio|Matio]], [[Filazantsara araka an'i Marka|Marka]], [[Filazantsara araka an'i Lioka|Lioka]], [[Filazantsara araka an'i Jaona|Jaona]]) hita ao amin'ny [[Testamenta Vaovao]] ao amin'ny [[Baiboly]], natokana hizaràna amin'ny olona rehetra ny tsara ho fantatra momba ny Fanjakan'Andriamanitra sy i [[Jesosa Kristy|Jesoa Kristy]]. Ny [[Kristianina|Kristiana]] dia mamaky sy mihaino ny Filazantsara satria mino fa hahazo fanampiana amin'ny fiainany manontolo ary hifandray amin'ny Mpahary sy ny voary. Atao hoe [[Evanjelista]] ny mpanoratra ny Filazantsara. Amin'ny heviny mivelatra dia ilazana ny [[Testamenta Vaovao]] ihany koa ny teny hoe Filazantsara.

Ny teny hoe ''filazantsara'' dia teny enti-mandika ny teny grika hoe ''εὐαγγέλιον'' (/ ''euangélion'') izay midika hoe "vaovao tsara", "vaovao mahafaly". Ny hoe ''evanjely'', izay fampiasan'ny Eglizy Katolika Romana eto Madagasikara, dia fanagasiana avy hatrany io teny grika io. Vaovao mahafaly ho an'ny Kristiana satria "Tenin'Andriamanitra", manambara ny fanavotana an'izay mibebaka amin'ny fahotany sy mino an'i Jesoa Kristy ho zanak'Andriamanitra.