Kor'any: Fahasamihafan'ny versiona

Contenu supprimé Contenu ajouté
Aucun résumé des modifications
Marika: Fanovana avy amin'ny finday Fiovana tamin'ny alalan'ny tranonkala finday
Tohiny
Andalana faha-142:
 
-         Ny hasoavana ao amin’ny paradisa.
 
Ireo Soraty fohy ao anatiny:
 
'''   Soraty An Nasy -  Ny olombelona – 114'''
 
'''''Amin’ny anaran’I Allah Ilay be fiantrana sy be indra fo.'''''
 
1-      Lazao hoe: ‘Izaho dia mitady fiarovana avy amin’ny Tompon’ny olombelona.
 
2-      Ilay mpanjakan’ny olombelona.
 
3-      Zanahary ny olombelona.
 
4-      Hanohitra ny haratsian’ny mpaka fanahy mamerivery ny saina.
 
5-      Izay maka fanahy (mampisy wasiwasy) ny fon’ny olombelona.
 
6-      Na avy amin’ny Jiny (Angatra/Matoatoa) izany na avy amin’ny olombelona amin’izy ireny.
 
NB:
 
Ny jiny dia anisan’ny zavaboaharin’Ilay nahary izay nohariany ary mahita antsika fa saingy isika kosa tsy afaka mahita azy ireo, raha tsy hoe angaha izy mihitsy no te hiseho amin’ny olombelona. Tahaka antsika olombelona dia misy ny mpino an’I Tompo Allah amin’izy ireo ary misy koa ireo tsy mpino an’I Tompo Allah. Marihina fa izy ireo koa dia, isan’ny iantefan’ny faminaniana. 
 
'''  Soraty Al Falaky – Ny maraina vao mangiran-dratsy – 113'''
 
'''''Amin’ny anaran’I Allah Ilay be fiantrana sy be indra fo.'''''
 
1-      Lazao hoe: ‘Izaho dia, mitady fiarovana avy amin’ny Tompon’ny maraina vao mangiran-dratsy,
 
2-      Hanohitra ny ratsy izay avy amin’ny zava-boahariny,
 
3-      Hanohitra ny haratsiana entin’ny alina rehefa mikotroka iny izy,
 
4-      Hanohitra ny haratsiana’ireo mpamosavy mpitsoka amin’ny vona,
 
5-      Hanohitra ny haratsiana’ny mpialona rehefa feno fialonanan izy.
 
 '''             Soraty Al Ikhlasy – Ny fahadiovam-po tanteraka – 112'''
 
'''''Amin’ny anaran’I Allah Ilay be fiantrana sy be indra fo.'''''
 
1-      Lazao hoe: ‘Izy Allah dia, Tokana.
 
2-      Allah Ilay mahefa sy tsy miankindoha amin’ny hafa ary maharitra mandrakizay.
 
3-      Tsy niterak’Izy no tsy nateraka ihany koa.
 
4-      Ary tsy mba misy na dia iray aza mitovy aminy. 
 
'''               Soraty Al masad – Ny kofehy manify – 111'''
 
''' '''
 
'''''Amin’ny anaran’I Allah Ilay be fiantrana sy be indra fo.'''''
 
1-      Ho levona anie ny tanan-droan’I Abi – Lahab sy ny tenany!
 
2-      Tsy nahavita na inona na inona taminy ny harenany sy izay azony.
 
3-      Ka hodorana ao anaty afo miredareda izy (tsy ho ela),
 
4-      Toy izany koa ny vadiny izay mitondra hazon-kitay feno tsilo,
 
5-      Ho eny am-bozonany ny tady mafy vita amin’ny kofehy madinika manify.
 
'''Tafsir – Famelabelarana sy fanazavana.'''
 
Abi Lahab dia, midika ho rain’ny afo. Izany dia, fiantsoana an’I ‘Abdoul ‘Ouzzaa, iray amin’ireo zanak’I ‘Aboul Mouttalib. Tsy voalaza amin’ny anarany manokana izy ao anatin’ny boky manan-kaja Kour’any satria, mety noho ny anarany izay mampiseho fanompoantsampy. Ity lehilahy ity dia, fahavalon’ny Mpaminany Muhammad salallah ‘anlayhi wa salam ary fatra mpitsikera an’ny finoana islam. Rehefa Mpaminany Salallah ‘anlayhi wa salam miantso ny olona mba hiditra amin’ny finoana islam dia, tsy maintsy sakanan’I Abu Lahab foana izy ary ankaratsiny. Ary ankavadesany. 
 
'''               Soraty An-Nasr – Ny famonjena  - 110''' 
 
'''''Amin’ny anaran’I Allah Ilay be fiantrana sy be indra fo.'''''
 
1-      Rehefa tonga ny famonjen’I Allah sy ny fandresena.
 
2-      Ary hahita andian’olona maro hanaraka ny finoana an’I Allah ianao.
 
3-      Dia hankalazao ny voninahitry ny Tomponao ary mibebaha aminy, fa Izy no Ilay feno famelan-keloka tokoa. 
 
'''              Soraty Al Kafiron – Ireo tsy mpino mafy hatoka – 109'''
 
'''''Amin’ny anaran’I Allah Ilay be fiantrana sy be indra fo.'''''
 
1-      Lazao hoe: ‘O, ianareo tsy mpino (Jiosy, Kristianina, Boudista, Hindoista, Athée,…etc…),
 
2-      Izaho dia tsy manompo izay tompoinareo;
 
3-      Ary ianareo koa dia tsy manompo izay tompoiko,
 
4-      Eny! Izaho dia, tsy hanompo izay tompoinareo na oviana na oviana!
 
5-      Ary ianareo koa dia tsy hanompo izay tompoiko.
 
6-      Anareo ny fivavahanareo, ary ahy kosa ny fivavahako! 
 
'''     Soraty al-kaosara (108). Fahasoavana sesehena.)'''
 
'''''Amin’ny Anaran’i Allah Ilay Be Fiantra Sy Be Indra Fo.'''''
 
1-Tena marina tokoa fa nomeko anao ny fahasoavana sesehena,
 
2-koa mivavaha amin’ny Tomponao ary manolora sorona ho Azy,
 
3-fa izay mankahala anao, dia izy no ho lany tamingana tsy hanan-taranaka. 
 
'''        Soraty al-man-o’na (107). Ireo fitaovan-dakozia.)'''
 
'''''Amin’ny Anaran’i Allah Ilay Be Fiantra Sy Be Indra Fo.'''''
 
1-Moa hitanao ve ny olona tsy mino ny Andro farany?
 
2-Izany dia izay manosi-boho-tanana ny kamboty,
 
3-ary tsy mamporisika mihitsy amin’ny fampihinanana mahantra,
 
4-koa loza ho an’ireo mpivavaka
 
5-izay manao an-tsirambina ny fivavahan’izy ireo;
 
6-sy ireo feno fisehosehoana
 
7-ary ireo manakana ny fampindramam-pitaovana ilaina. 
 
'''          Soraty koraisy (106). Ireo koreisita.'''
 
'''''Amin’ny Anaran’i Allah Ilay Be Fiantra Sy Be Indra Fo.'''''
 
1-Nohon’ny amin’ny fifanarahan’ireo koreisita.
 
2-Ilay fifanarahan’izy ireo amin’ny fandehanana mandritra ny ririnina sy amin’ny fahavaratra
 
3-dia aoka hanompo ny Tompon’ity trano fanompoana masina ity izy ireo,
 
4-dia Ilay nampihinana anjara azy ireo tamin’ny hanoanana ary nanome fandriam-pahalemana azy  ireo tao anatin’ny tahotra.
 
'''              Ny Elefanta – 105.'''
 
'''''Amin’ny Anaran’i Allah Ilay Be Fiantra Sy Be Indra Fo.'''''
 
1-      Moa ve tsy fantatrao nanao ahoana no nanaovan’ny Tomponao ireo olon’ny elefanta?
 
2-      Moave tsy nataony nanjavona ny teti-dratsin’izy ireo?
 
3-      Ary nandefasany andian-borona maro izy ireo,
 
4-      Izay nitora-bato tanimanga voadotra tamin’ny afo be tamin’izy ireo.
 
5-      Ka nanao azy ireo ho toy ny ravi-mololo voatsakotsako.
 
'''Référence:'''
 
Ny boky manan-kaja Kour’any Sourate Al Fily – Ny Elefanta – 105
 
'''              Al Homaza 104''' 
 
'''''Amin’ny anaran’I Allah Ilay be fiantrana sy be indra fo.'''''
 
1-      Loza ho an’izay mpanendrikendrika sy mpifosa!
 
2-      Izay nanangona harena sy nanisa izany.
 
3-      Mihevitra izy fa ny hareny dia hampaharitra azy mandrakizay.
 
4-      Tsia! Tsy maintsy hatsipiko ao anaty afo izy.
 
5-      Moa fantatrao ve izany afo izany?
 
6-      Izany dia, afon’I Allah miredareda!
 
7-      Izay miantefa mivaivay hatrany am-po lalina any!
 
8-      Ka hanemitra azy ireo.
 
9-      Anaty andry fefy mijoalajoala.
 
Référence:
 
Ny boky manan-kaja Kour’any sourate Al Homaza – Ny mpanendrikendrika 104. 
 
'''            Sourate Al ‘Ansr – Ny fotoana - 103'''
 
'''''Amin’ny anaran’I Allah Ilay be fiantrana sy be indra fo.'''''
 
1-      Mianiana aho amin’ny fotoana.
 
2-      Fa tena marina, ny olombeona dia, ao anatin’ny fahaverezana.
 
3-      Afa tsy ireo izay nino sy nanao ny asa soa ary nifananatra tamin’ny fahamarinana, sy nifananatra ihany koa tamim-paharetana.
 
'''Tafsir - Ny fanazavana an’ity sourate ity.'''
 
Tatitra azo avy tamin’I Sahaba iray ‘Oubaidoullah ibn Hisn radhiyallah ‘anhou, rehefa mifanena ny mpiaradia tamin’ny Mpaminany Salallah ‘anlayhi wa salam anakiroa dia, tsy mba mifandao izy ireo afa tsy aorian’ny famakiandreo an’ity sourate ity (sourate al ‘ansr).
 
Référence: At Tabarani.
 
Niteny I Imam Shafi’I rahimahoullah, manao hoe: ‘Raha toa ka tena hieritreretin’olona tsara ny momba an’ity sourate ity dia, efa hampy an’izy ireo izany ho taridalana amin’ny fahamarinana’ 
 
Soraty At Takasoro – 102 – Ny fanagonan-karena.
 
'''''Amin’ny anaran’I Allah Ilay be fiantrana sy be indra fo.'''''
 
1-     Variana amin’ny fanangonan-karena tokoa ianareo,
 
2-     Eny, mandra-pahatongavanareo ao am-pasana,
 
3-     Tsia, mbola ho fantatrareo!
 
4-     Eny, Mbola ho fantatrareo am-pahalalana marina,
 
5-     Dia hahita ny memy tokoa ianareo!
 
6-     Ary hanatri-maso marina azy.
 
7-     Ka amin’izay fotoana izay dia tsy maintsy hanontaniana ny amin’ireo harena marobe ianareo. 
 
Soraty Al Qa’rianty – 101– Ilay mikorokoroka.
 
'''''Amin’ny anaran’I Allah Ilay be fiantrana sy be indra fo.'''''
 
1-      Ilay mikotrokotroka!
 
2-      Inona moa ilay mikotrokotroka?
 
3-      Moa ve fantatrao ilay mikotrokotroka?
 
4-      Izany dia ilay andro hahatonga ny olona ho toy ny lolo (Papillion) mielim-patrana,
 
5-      ary ireo tendrombohitra dia ho toy ny volon’ondry voahety.
 
6-      Ka ho an’izay mavesa-danja kosa ny asa soa vitany
 
7-      dia ho ao anatin’ny fiainam-pahasambarana feno fankasitrahana izy.
 
8-      Fa ho an’izay maivan-danja kosa ny asa soa vitany dia, ny lavaka mangitsokitsokin’ny afo be no ho fonenany.
 
9-      Moa ve fantatrao izany lavaka mangitsokitsoka izany?
 
10-   Afo mivaivay izay tsy izy.
 
  '''Sourate Al Ghashiyya – ‘Ilay manarona’ - 88'''
 
'''''Amin’ny anaran’I Allah Ilay be fiantrana sy be indra fo.'''''
 
1-      Moa ve tonga taminao ny tantaran’ny Ghashiya (Anaran’ny andro farany)
 
2-      Hisy endrika (n’olona) amin’izay fotoana izay ho ao anatin’ny fahatahorana (tanteraka).
 
3-      Sahirana sy torovana (valaka sy trotraka ary vizana).
 
4-      Ka ho dorona ao anaty afo mivaivay (mamaivay).
 
5-      Hampisotroina avy amin’ny loharano mangotraka.
 
6-      Ary tsy hanan-tsakafo afa tsy karazan-tsilo izy ireo.
 
7-      Ka tsy hampatavy azy ireo izany. Na koa tsy hanala ny hanoanana.
 
8-      Hisy koa ireo endrika amin’izay fotoana izay ho ao anatin’ny fiadanana.
 
9-      Afapo tokoa amin’ny fiezahana nataon’izy ireo.
 
10-  Hiditra ny paradisa mendrika tokoa.
 
11-   Ka tsy haheno ao anatin’izany, ireo teny maloto (tsy mendrika).
 
12-   Hita ao anatin’izany koa ny loharano mikoriana.
 
13-   Fandriana avo toerana,
 
14-   Ireo fitaovampisotroana eo ampelatanan’izy ireo.
 
15-   Ireo hondana tsara lahatra.
 
16-   Ireo karipetra (tapis) mivelatra.
 
17-   Moa tsy nodinihin’izy ireo va ny rameva (chameau), ahoana ny fomba nohariana azy?
 
18-   Ny lanitra, nanao ahoana nampiakarana azy?
 
19-   Ireo tendrimbohitra, nanao ahoana ny fomba nametrahana azy?
 
20-   Ary ny tany, ahoana ny fomba nampitoviana tantana azy?
 
21-   Koa mampahatsiahiva, fa raha ny tena marina dia, mpampatsiahy ihany ianao.
 
22-   Fa tsy nomena zo hanery azy ireo ianao.
 
23-   Afa tsy izay manome lamosina sy mpikomy (ihany no tsy mino anao).
 
24-   Satria, I Allah dia, hanasazy amin’ny famaizana mafy tokoa.
 
25-   Tena marina! Any amiko no hiverenan’izy ireo indray.
 
26-   Ary eo am-pelatanako ny fitsarana azy ireo.
 
Référence:
 
Ny boky manan-kaja Kour’any Sourate Al Ghashiyya – ‘Ilay manarona’ – 88
 
''' '''
 
'''Soraty al-borojy: Ireo antokon-kintana. (85)'''
 
Amin’ny anaran’I Allah Ilay be fiantra sy be indrafo.
 
1-Mianiana aho amin’ny lanitra feno ireo antokon-kintana
 
2-sy amin’ilay andro nampanantenaina
 
3-sy amin’ny manatry maso izany, ary mijoro ho vavolom-belona.
 
4-voahozona ireo olon’ny Oukhdoud (Hantsana lalina)
 
5- amin’ny afo feno fandrehetana.
 
6-ary indro izy ireo hipetraka manodidina izany.
 
7-vavolom-belona koa izy ireo ny amin’ny fampijaliana izay nataon’izy ireo ny mpino.
 
8-nefa, tsy nankahala ireo mpino izy ireo afa tsy ny noho ny finoana an’I Allah Ilay mahery sy mendripiderana.
 
9-Azy ny fanjakan’ny lanitra sy ny tany; Allah Ilay vavolom-belona amin’ny zavadrehetra.
 
10-Tena marina fa ireo izay nampijaly ny mpino fa tsy nibebaka tamin’izany dia, hahazo ny famaizana ao amin’ny afo be ary ho dorana.
 
11- fa ireo izay nino sy nanao asa soa kosa dia, hahazo marina ny paradisa izay ahitana ny renirano mikoriana eo ambaniny; izany no tena fahombiazana lehibe.
 
12-Tena marina fa ny sazy avy amin’ny tomponao dia, mahery vaika.
 
13-ary Izy Ilay Mpahary tany ampiandohana, ary Izy ihany koa no hanangana indray ny maty.
 
14-Izy Ilay Mpamela heloka sy be fitiavana.
 
15-Ilay Tompon’ny seza fiandrianana sady malalatanana.
 
16-Mahefa izay rehetra tiany sy sitrany.
 
17-Moa ve tonga tany aminao ny tantaran’ireo mpiantafika?
 
18-Dia, ny tafika ny Pharaoh sy an’ny Thamoud izany.
 
19-Nefa, indrisy fa ireo tsy mpino dia, feno fandavana izany.
 
20-Allah dia, manemitra (manodidina sy mamehy) azy ireo noho izany.
 
21-Izy io anefa dia, Kour’any be voninahitra.
 
22-Voarakitra an-takelaka eo anatrehan’I Allah.