Vôdo: Fahasamihafan'ny versiona

Ny '''vôdo''' na '''vôdoisma''' dia [[fivavahan-drazana]] avy aty [[Afrika]] izay niely tamin' ny alalan' ny fivarotana andevo mainty hoditra tany [[Haitỳ|Haity]], tany [[Kobà]], tany [[Karaiba]], tany [[Brezila|Brezily]] ary tany [[Etazonia]]. Misy 50 tapitrisa any ho any ny mpino vôdo maneran-tany.

Avy ao [[Afrika atsimon' i Sahara|Afrika atsimon' i Saharà]] ny fivavahana vôdo, izay nipoitra avy ao amin' ny taninFanjakan' i Dahomey (izany hoe i [[Benîno]] ankehitriny, izay manao azy ho fivavaham-panjakana nanomboka tamin' ny taona 1996) tao [[Afrika Andrefana]]. Avy amin' ny [[Fiteny fôna|teny fôna]] hoe ''vodun'' (izay midika hoe "fanahy") ny teny nogasîna hoe vôdo. Ny fiteny fôna dia fiteny ao Benîno. Tamin' ny voalohany dia nandroso tao amin' ireo firenena manamorona ny [[Hoalan' i Ginea]], toa an' i [[Tôgô]] sy i [[Nizeria|Nizerià]], tamin' ny alalan' ny [[lovantsofina am-bava]] koa ity fivavahana ity.

Ny fivavahana vôdo dia miompana amin' ny fanompoam-pivavahana atao amin' ny zanahary na [[fanahy]] izay miseho amin' ny alalan' ny hery avy ivelan' ny zavaboary. Ireo fanahy ireo dia manapaka ny hoavin' ny olombelona sady mpanelanelana eo amin' ny olombelona sy ny Andriamanitra fara tampony. Ireo fanajyfanahy ireo dia mety ho [[razana]] lasa zanahary.

Ny finoana vôdo dia niampita ny [[Ranomasimbe Atlantika]] nanomboka tamin' ny taonjato faha-16 tamin' ny alalan' ireo andevo maity hoditra, ka nandroso indrindra tao Karaiba, tao Haity ary tany Brezily, izay mbola ahitana azy mandraka ankehitriny. Vetivety dia lasa sehatra nanoherana ny fanandevozana sy ny fanjanahan-tany ny vôdo. Ny fivavahana vôdo dia notanterahina miafina. Nanoherana ny fanerena hanaraka ny fiteny sy ny fanao ary ny fivavahan' ny [[Fotsy hoditra]] izay nanao izay hahadoana ny maha izy azy ny [[Mainty hoditra]].