Lôby (vahoaka)

Ny Lôby dia vahoakan' i Afrika Andrefana hita any amin’ ny tapany atsimo-andrefana amin’ i Borkina Fasô, any amin’ ny tapany avaratra-andrefana amin' i Ganà ary any avaratra-atsinanana amin' i Kôtidivoara, indrindra ao amin' ny faritr' i Bouna, akaikin' i Ganà sy Borkina Fasô, eo amorony ankavanan' ny renirano Volta Noire. Fantatra amin' ny alalan' ny tantara fedrà ny fiavian' izy ireo, mety ho nifidra monina avy ao amin' ny faritra avaratra amin’ i Ganà ankehitriny izy ireo, niampita ny faritr' i Wa sy ny ony Volta, taonjato vitsivitsy lasa izay.

Lôby, mpanamboatra vilia sy vilany ary siny tany ankaikin' i Gaoua

Ny fiteny lôbiry no fiteniny, izay isan’ ny fiteny gora, izay tombanana ho 440.000 mahery ny isan' ny mpiteny azy tany am-piandohan' ny taompolo 1990. Nisy 286.000 teo ho eo izany tany Borkina Fasô (1991) ary 156.000 tany Kôtidivoara (1993). Ampiasain’ izy ireo koa ny fiteny diola sy ny fiteny frantsay.

Ny Lôby dia eo amin' ny 4 % amin' ny mponina ao Borkina Fasô ary 1,8 % amin' ny an' i Kôtidivoara. Ao Bouna (any Kôtidivoara) sy ao Diébougou ary ao Gaoua (any Borkina Fasô), ary farany, ao Lawra sy ao Wa ary ao Kampté (Ganà) no misy ny Lôby betsaka indrindra amin' izao fotoana izao. Monina amin’ ny vohitra kely maro ny Lôby ao anatin' ny Valan-javaboarin’ i Comoé (Parc National de la Comoé) ao Kôtidivoara.