JexMozika

Jex Mozika dia mpamorona, mpiangaly sy mpandrindra mozika ary mpihira. Natao ho an’ny sahalan-taona rehetra ny hirany. Hajaina RAVOAJA no tena anarany, mpikambana tao amin’ny tarika Tohy izy ny taona 1997 ka hatramin’ny taona 2001. Taorian'izay izy dia nanao rap tao anatina tarika maro sy irery. Jex Ambiroa no anarany tamin'izany. Rehefa hitany ny lalana tiany ikopahana elatra dia nanomboka namoron-kira amin'ny gadony manokana izy. Nanomboka tamin'ny taona 2003 izy no namorona hira amin'ny gadon'ny mozikan'ny fanahy na Soul fa amin'ny fomba fanaony manokana. Hajaina 'Jex indray no anarany tamin'izany. Hitany fa afaka ampifanarahana amin'ny kolontsaina malagasy io gadona io. Izy rahateo dia miangola rehefa mihira, araka ny fomba maha izy azy an'Antananarivo na Iarivo. Izany no nampisokatra ny sainy hampiharo ny ba gasy sy ny gadona maro izay ankafiziny sy mora ahitany aingam-panahy. Hajaina dia mpikambana sy mpihira fasiny amin’ny tarika Nada Miangola sy Riantsara. Ny reniny no anisan’ny namorona ireo tarika ireo. Ankehitriny dia Jex Mozika no anarany satria noho ny vokatry ny fikarohany dia mbola nahita endrika vaovao indray izy ara-mozika. Ankoatr'izay dia azo lazaina fa niavaka ny mozikan'i Jex satria mbola tsy nisy nanao toy izany fampifangaroana izany. Ny mampiavaka azy koa dia ny tsy fitadiavany laza sy ny fanaovany mozika tsy ara-barotra fa manaja ny fahafenoany. Ity ny rohin'ny tranonkalany: http://www.jexmozika.com/ Archived Jiona 18, 2017 at the Wayback Machine

Ireto ny raki-peony:

Vatana sy Fanahy

1- Kabary an-kira 2- Ao ve ? 3- Teny ierana 4- Miankìna amiko 5- Tovovavin’Iarivo 6- Maso menatra 7- Isaorako 8- Mandalo izany 9- Aza mba manao ratsy 10- Ny olombelona 11- Matsom-panahy 12- Ny tsiron’ny tany

Ny ranomaintiko

1- Tia anay 2- Malagasy (feat IsaRoaTelo) 3- Ny Ranomaintiko 4- Olon’ny fanahy 5- Mangina 6- Tsy mety mangatsiaka 7- Tsy mandao 8- Antson’ny foko 9- When I think of you 10- Mandrahona ahy ny maizina (Hira Fifohazana)