Jaspa
Ny jaspa dia vaton-dilatra misy silisy 80 hatramin' ny 95 %, tsy tantera-pahazavana, matetika sokajiana miarala amin' ny vatokaranana mikrôkristalinina saingy mety misy tanimanga ihany koa. Ny hakitroky ny jaspa dia matetika 2,5 hatramin' ny 2,9 g/cm3. Noho izy avy amin' ny dilatra na avy amin' ny asan' ny afotroa dia mineraly vokatry ny fiovana izy, indraindray sokajiana ho mineraly, indraindray ho vato tsotra, arakaraka ny fomba fijery na ny haben' ny loto ao aminy.
.jpg)
Ny fivakiny dia miendrika kirana, indraindray miolika toy ny akoram-biby.
.jpeg)
Ny jaspa dia mety miseho amin' ny endrika maro: mipentipentina, misy soratra mitsoriadriaka, mena, misy pentina mena anatin' ny maitso, mainty, sns. Ny toetra tena mampiavaka azy, ankoatra ny habetsahany, dia ny loko voajanahary isan-karazany mety hisehoany. Azo lazaina fa tsy misy ny loko izay tsy ho hita ao amin' ny jaspa, ka izany no mahatonga ny famantarana azy ho sarotra.
Ny jaspa raha vaky dia maneho endrika malamalama ary ampiasaina amin' ny fanaingoana na ho vatosoa. Raha voampaly tsara ny jaspa dia ampiasaina amin' ny zavatra toy ny vazy, ny tombo-kase, ary tongobolo. Atao hoe jaspilita dia vato misy soratra mitsoriadriaka mampiavaka ny jaspa.