Ganga
(tonga teto avy amin'ny Gangesy)
I Ganga dia ony any Azia izay mamakivaky an' i India sy Bangladesy. Atao hoe Ganga izy any India fa Padma kosa any Bangladesy. Mirefy 2 525 km ity ony ity ary miakatra any amin' ny faritra andrefan' i Himalaià any amin' ny fanjakan' i Uttarakhand any India. Mikoriana mianatsimo sy miantsinanana mamakivaky ny Lemaka Gangetika any avaratr' i India izy io, ary mihazo ny sakeli-drano ankavanana, i Yamuna, izay miakatra any amin' ny faritra andrefan' i Himalaià Indiana, ary ny sakeli-drano ankavia maromaro avy any Nepaly izay miantoka ny ampahany betsaka amin' izany.
