Gada (mpaminany)
I Gada dia mpaminanin' i Israely resahina ao amin' ny Baiboly. Sahala amin' i Natàna dia mpaminany nanolo-tsaina an' i Davida i Gada, sady lazain' ny lovantsofina jiosy fa nanandray anjara niaraka amin' i Samoela tamin' ny fanoratana ny Bokin' i Samoela.
I Gada ao amin' ny Bokin' i Samoela
hanovaHita ao amin' ny Boky voalohan' i Samoela (1Sam. 22:5) ny firesahana voalohany an' i Gada, tamin' ny nitenenany an' i Davida hiverina any amin' ny tanin' i Jodà.
Ao amin' ny Boky faharoan' i Samoela (2Sam. 24:11 - 24:13) no iresahana indrindra ny mpaminany Gada: taorian' ny niaiken' i Davida ny fahotany noho ny nanaovany fanisam-bahoaka ny mponin' i Israely sy ny an' i Jodà dia nalefan' Andriamanitra tany amin' i Davida i Gada mba haneho azy endri-panasaziana telo. Resahina indray i Gada ao amin' ny 2Sam. 24:18, tamin' ny nitenenan' i Davida ny hanamboatra alitara (na ôtely) hisaorana an' Andriamanitra noho ny nampitsaharan' Andriamanitra ny pesta izay nosafidiny tamin' ireo loza telo ireo. Ny toerana notondroin' i Gada hananganana ny alitara dia "ao amin' ny famoloan' i Araona Jebosita".
I Gada ao amin' ny Bokin' ny Tantara
hanovaNy Boky voalohan' ny Tantara (1Tant. 21:18) dia miresaka ny fihaonan' i Gada tamin' ny anjelin' Andriamanitra izay nanoro azy ilay toerana hanorenana ny alitara. Voalaza ao amin' io Boky voalohan' ny Tantara io koa (1Tant. 29:29-30) fa nanoratra boky momba ny tantatran' i Davida i Gada mpahita niaraka amin' ny boky nosoratan' i Samoela sy ny boky nosoratan' i Natàna.