Fiteny vôltaika-kôngôley
Ny fiteny vôltaika-kôngôley na fiteny vôlta-kôngô dia sampana lehibe amin' ny fianakaviambem-piteny nizera-kôngôley, ahitana fiteny miisa 1 250 ampiasain' ny mpiteny miisa 320 tapitrisa (anisan' izany ireo miteny banto, miisa 200 tapitrisa).
Ny fanadihadiana momba ny haifiteny fampitahana nataon' i John M. Stewart tamin' ny taona 1960 sy 1970 dia nahafahana nametraka ny maha iray fototra ny sampana vôltaika-kôngôley sy nampiharihariana ny rafitra anatin' io sampana io, saingy mbola tsy azo antoka ireo vokatra ireo.
Tamin' ny taona 2000, nanamarika i Williamson sy Blench fa amin' ny toe-javatra maro dia sarotra ny mamaritra mazava tsara ny sampana vôltaika-kôngôley maro, sy manatsoaka hevitra fa mety ho avy amin' ny fiovaovan' ny fitohizan' ny fiteny izany fa tsy fisarahana mazava ho fianakaviana. Efa naroson' i Bennet tamin' ny taona 1983 izany, momba ny fiteny gora sy ny fiteny adamaoa-obangiana, izay indraindray mivondrona ao anatin' ny fianakaviamben' ny fiteny savana. Ny sampana hafa dia ny fiteny kro, ny fiteny senofô, ny fiteny koà ary ny fiteny benoe-kôngôley, izay ahitana ny vondrom-piteny banto. Ny fifandraisana misy eo amin' ny fiteny koà sy ny fiteny benoe-kôngôley, ary ny eo amin' ny sampana atsinanana sy ny sampana andrefana amin' ity farany dia tsy voafaritra mazava.
Ny rafitry ny zanapeo amin' ny fiteny vôltaika-kôngôley dia niadian-kevitra be tamin' ny haifiteny fampitahana. I Casali, tamin' ny taona 1995, dia manohana ny fiheverana fa ny fiteny prôtô-vôltaika-kôngôley tamin' ny voalohany dia nanana rafitra misy zanapeo sivy na folo mifototra amin' ny firindran-janapeo, ary io vondrona io dia nihena ho rafitra misy zanapeo fito amin' ny fiteny vôltaika-kôngôley maro.
Sampana ao amin' ny fianakaviam-piteny vôltaika-kôngôley
hanova- sampam-piteny kro
- sampam-piteny senofô
- sampam-piteny savana (nolazaina taloha hoe sampam-piteny gora sy sampam-piteny adamaoa-obangiana)
- sampam-piteny koà
- sampam-piteny vôltaika-nizeriana
- sampam-piteny benoe-kôngôley