Fianakaviam-piteny dravidiana

Ny fiteny dravidiana dia fianakaviam-piteny ahitana fiteny miisa 30 any ho any izay samy avy ao India avokoa, ka tenenina indrindra ao amin' ny tapany atsimon' i India. Atao hoe Dravidiana ireo vahoaka tompon' ireo fiteny ireo. Misy mpiteny azy ireo koa ny any Srilanka, ny any Pakistàna sy ireo vahoaka indiana nifindra monina. Tamin' ny taona 2010 dia nahatratra 214 000 000 any ho any ny mpiteny amin' ny fiteny dravidiana, ka ny tena be mpampiasa dia ny fiteny telogo sy ny fiteny tamoly na tamily (76 000 000 sy 80 000 000 ny isan' ny mpiteny azy avy), na ny fiteny malaialama sy ny fiteny kanada (izay misy mpiteny miisa 33 000 000 sy 38 000 000 isany avy). Ny tsirairay amin' ireo fiteny efatra ireo dia fiteny be mpampiasa ao amin' ny Fanjakana indiana tsirairay, dia i Andhra Pradesh (sy i Telangana izay nisaraka tamin' ny taona 2014), i Tamil Nadu, i Kerala ary i Karnataka.

Ny zana-bondron'ny fiteny dravidiana

Fanasokajiana ara-jeôgrafia ny fiteny dravidiana hanova

Ny mpahay teny dia zatra ny mizara ny fianakaviam-piteny dravidiana ho vondrona telo: vondrom-piteny dravidiana avaratra, ny vondrom-piteny dravidiana afovoany, ny vondrom-piteny dravidiana atsimo (izay mizara ho zana-bondrona roa indray).

Vondrom-piteny dravidiana avaratra hanova

Ny fiteny ao amin' ny vondrona avaratra dia miparitaka any avaratra-andrefana sy avaratra-atsinanan' ny Saikanosy Indiana, indrindra ny fiteny brahoy. Ireto ireo fiteny ireo:

Vondrom-piteny dravidiana afovoany hanova

Ny vondrona afovoany dia ahitana ny fiteny parjy sy ny fiteny kôlamy avaratra-andrefana, izay be mpiteny ao aminy, sady samy ahitana mpiteny 100 000 any ho any. Ireto ireo fiteny ireo:

Vondrom-piteny dravidiana atsimo hanova

Ny vondrona atsimo, izay lehibe indrindra, dia mbola mizara ho zana-bondrona roa, dia ny zana-bondrona atsimo-afovoany sy ny zana-bondrona farany atsimo.

Ny zana-bondrona atsimo-afovoany hanova

Ny fiteny ao amin' ity zana-bondrona ity dia ao amin' ny faritra tsy tena atsimo loatra, izay ahitana ny fiteny telogo sy fiteny madinika hafa toy ny fiteny gôndy sy ny fiteny koy. Ireto ireo fiteny ireo:

  • fiteny telogo
  • fiteny gondy
  • fiteny kônda
  • fiteny manda
  • fiteny koy
  • fiteny kovy
  • fiteny naiky
  • fiteny kôia
  • fiteny pengô

Ny zana-bondrona atsimo hanova

Ny zana-bondrona any amin' ny farany atsimo izay misy zana-pizaràna maro: ny be mpiteny indrindra dia ny fiteny tamoly, izay tenenina ao atsimo amin' i India sy ao Srilanka ary ao amin' ny nosy maro ao amin' ny Ranomasimbe Indiana; ny fiteny malaialama, izay manakaiky azy ary ny fiteny kanada izay mihataka aminy kokoa, dia tenenin' ny olona miisa ampolony tapitrisa. Isan' ity zana-bondrona ity koa ny fiteny tolo sy ny fiteny hafa izay tsy dia miely loatra.

Jereo koa hanova

Fianakaviam-piteny lehibe hanova

Vondrom-pianakaviam-piteny hanova