Fahaleovantena (pôlitika)
Ny fahaleovantena dia satan' ny vahoaka na firenena na fanjakana izay ahitana ny mponina ao aminy, na ny ampahany amin' izany, mampihatra ny fitondra sy mitantana ny tenany, ary matetika mampihatra koa ny fiandrianany amin' ny taniny. Ny mifanohitra amin' ny fahaleovantena dia ny satan' ny fiankinana. Ankalazaina ny fahatsiarovana ny andron' ny fahaleovantenan' ny vahoaka na ny firenena iray rehefa afaka amin' ny fanjanahantany ilay vahoaka na ilay firenena ka malalaka amin' ny fananganana firenena tsy misy fitsabahan' ny firenena hafa.
