Soahily (vahoaka)
Ny Soahily dia vahoaka maro ao Afrika Atsinanana miteny soahily, izay isan' ny fiteny banto niaharan' ny fiteny arabo. Ankoatry ny fiteniny dia manana kolontsaina iraisana azy manokana ny vahoaka soahily samihafa. Manodidina ny roapolo ny firenena misy azy ireo, ka ny ankabetsahany dia ao Afrika Atsinanana, ao amin' ireo faritra amorontsiraka sy amin' ireo nosin' i Kenia, nosin' i Tanzania, nosy ao avaratr' i Môzambika. Atao hoe Waswahili izy ireo amin' ny teny soahily.
